Presidenti Meta: Siguria ushqimore prioritet kombëtar

Presidenti Meta: Siguria ushqimore prioritet kombëtar

May 17, 2019 0 By VloraLajme

Presidenti Ilir Meta në Konferencën e 3-të Kombëtare të Industrisë së Bimëve Mjekësore dhe Aromatike të Shqipërisë foli për sigurinë ushqimore duke e quajtur atë një prioritet kombëtar.

Meta tha se denoncimi i rasteve në media është i pamjaftueshëm dhe shpesh herë bëhet stigmatizues për prodhuesit e këtij sektori. Ai deklaroi se institucionet duhet të luajnë një rol parandalues për këtë fenomen.

“Shqipëria renditet si eksportuesja e dytë e bimëve mjekësore. Potenciali i kësaj industrie është shumë i madh. Bujqësia shqiptare vuan nga sindroma  e nënfinancimit. Bujqësia nuk duhet trajtuar thjesht si një sektor ekonomie por si një nga burimet kryesore. Importi mbizotëron në mënyrë të dukshme. Duhet të kemi një strategji të qartë të zhvillimit rural për transportin dhe magazinimin.

Siguria ushqimore duhet të jetë një prioritet kombëtar. Denoncimi mediatik është i pamjaftueshëm. Është stigmatizues denoncimi që bëhet nga importuesit në mediat kombëtare për prodhuesit e këtij sektori. Institucionet duhet të luajnë një rol parandalues për këtë fenomen”, u shpreh Meta.