Nuk mbyllën lojërat e fatit, proce dohen pena lisht dy persona

Nuk mbyllën lojërat e fatit, proce dohen pena lisht dy persona

May 17, 2019 0 By VloraLajme

Policia e Beratit ka ushtruar kontrolle për goditjen e veprimtarisë së kundraligjshme të lojërave të fatit dhe ka proceduar penalisht 2 shtetas. Specialistët për Hetimin e Krimeve në Komisariatin e Policisë Berat në bashkëpunim me Njësinë Operacionale kapën dhe proceduan penalisht shtetasit: E.T., 60 vjeç; M.Q., 28 vjeç, të dy banues në Berat.

Njoftimi

Berat, Kontrolle për goditjen e veprimtarisë së kundraligjshme të lojrave të fatit.

Procedohen penalisht 2 shtetas pasi ushtronin aktivitetin e kundraligjshëm të lojrave të fatit.

Në vijim të kontrolleve të befasishme në të gjithë Qarkun Berat për evidentimin dhe ndëshkimin e atyre personve që vijojnë ende të ushtrojnë aktivitetin e kundraligjshëm të lojrave të fatit, Specialistët për Hetimin e Krimeve në Komisariatin e Policisë Berat në bashkëpunim me Njësinë Operacionale kapën dhe proçeduan penalisht shtetasit:

E.T, 60 vjeç.

M.Q, 28 vjeç, të dy banues në Berat.

Proçedimi penal i këtyre shtetasve u bë për veprat penale “Organizim i llotarive të palejuara”, “Fshehja e të ardhurave”, “Punësim i paligjshëm” “Vënia në dispozicion e lokaleve për lojra të palejuara” pasi në ambientin e lokalit në pronësi të shtetasit E.T, ushtronin aktivitetin e kundraligjshëm të lojrave të fatit. U sekuestruan në cilësinë e provave materiale 1 valixhe e mbushur me çipsa, 1 tavolinë pokeri, 2 pako me letra bixhozi si edhe 11.700 lekë. Policia e Shtetit fton cilindo të denoncojë falas në numrin 112 ose përmes aplikacionit “Komisariati Dixhital”, çdo veprimtari të tillë të kundraligjshme.