Ftoi Saimir Tahirin në emision dhe ai e refuzoi, moderatorja tregon arsyen: Kam qeshur me lot

Ftoi Saimir Tahirin në emision dhe ai e refuzoi, moderatorja tregon arsyen: Kam qeshur me lot

May 16, 2019 0 By VloraLajme

Rudina Dembacaj është një ndër aktoret dhe moderatoret më të njohura të ekranit shqiptar. Prej kohësh drejton “Mos e fol shoferin” dhe normalisht që ka dhe ajo personazhet e preferuar që ka intervistuar apo ata që s’i kanë pranuar ftesën.

Dhe në një intervistë për “Revista Class”, Rudina ka rrëfyer për një prej tyre:

“Në fillim fare, para 2 vitesh, ftova z. Saimir Tahiri i cili u shpreh: “Nuk dua të jap nga fama ime, të bëhet i njohur emisioni yt”. Kam qeshur me lot!”

Rudina gjithashtu pranoi se nuk ka ftuar asnjëherë personazhe vetëm për audiencë, dhe ndonëse i shijon të gjitha intervistat, veçoi atë të Gentian Zenelajt që është njëkohësisht një ndër miqtë e saj më të mirë.

Disa pjesë të shkëputura:

Cili është ai personazh që nuk e ka pranuar asnjëherë ftesën për të të ardhur në emision?

-Në fillim fare, para 2 vitesh, ftova z. Saimir Tahiri i cili u shpreh: “Nuk dua të jap nga fama ime, të bëhet i njohur emisioni yt”. Kam qeshur me lot!

Po ai personazh që e ke ftuar vetëm sepse të duhej për audiencë?

-Asnjë!

Intervista që të ka lënë më shumë mbresa?

-I shijoj të gjitha, sinqerisht. Do veçoja Gentian Zenelajn, sepse është dhe mik shumë i veçantë për mua.

Çfarë mendon se të diferencon nga moderatoret e tjera?

-Secila prej nesh ka identitetin e saj.

Cila mendon se është moderatorja më e mirë shqiptare?

-Rudina Dembacaj.

Çfarë mendon për emisionet e së shtunës që janë në të njëjtin orar me ty? Cilin e sheh si konkurrent më të fortë?

-Janë të gjithë konkurrentë të fortë. Po të ishin të dobët, nuk do “rritesha” unë çdo ditë.